藝人彭懷安（Eddie）早前爆出婚訊，在港與圈外女友Ivy秘密入紙排期註冊結婚。婚訊曝光後，他大方在社交網上載與女友到大澳行山的照片，相當溫馨。他留言：「今早天雨路滑，由原本嘅大東山轉戰去大澳，行咗十幾K，梗係為咗壓軸重頭戲啦，為乜？梗係為食啦，除咗食，都係食。」相中見Eddie揸機自拍，而Ivy則嘟嘴兼舉V，人逢喜事精神爽，心情大靚。