唔使搵人頂 陳豪扭傷腳拐住開工
陳豪及陳庭欣日前在電視城餐廳拍攝新劇《陀槍師姐2020》，見陳豪行路一拐一拐，原來他日前開工時不慎扭傷腳，還未完全康復，身為硬漢子的他不當一回事：「睇咗醫生，好快就會好番，相信嚟緊嘅動作同奔跑場面，都可以親身上陣。」
談及新冠肺炎在美加急速擴散，陳豪坦言太太陳茵媺對身在當地的父母相當憂心：「外父外母都有留意香港最初嘅情形，所以埋身都算識得應付，大家Keep住溝通，好彩即使當地有搶購潮，買到返嚟嘅嘢都係Mega（巨型），暫時應付到。」對於三名子女停課，他說：「我負責教佢哋中文，依家要開工比較難，但佢哋幾個感情真係好好，互相照顧，令我好欣慰。」
陳庭欣笑宣萱大食
陳庭欣則表示相隔兩年再拍劇，準備工夫花了不少時間，她笑說：「開工前我啱啱先同女主角宣萱開完套電影，嗰時我已經同佢講會再見面。原來佢好食得，食完飯盒都唔夠飽，真係睇唔出！」又透露疫情爆發後愛與男友玩「煮飯仔」，大讚他廚藝了得。