陳寶華勸唔掂：交畀觀眾投票去留

去年《多功能老婆》播出後反應甚佳，說到開續集，劇集總監製陳寶華稱要等公司安排，但問到有關朱朱與Tony因不和而無望合作，變相續集肯定會有人出局，至於會犧牲哪一個？陳寶華笑說：「我都有同佢兩個傾過呢件事，我話你哋搞到咁樣，如果開續集咁點呢？可能要交畀觀眾投票決定！」又坦言兩個演員都錫：「佢哋都好投入，見佢哋演得咁煙韌，之後又冇人同我投訴，咪以為冇事……其實佢兩個演出，大家好鍾意睇，如果因為咁而有心病係好可惜。我有叫佢哋唔好放上心，女嘅可能唔識講說話，男嘅咁樣畀人話又唔開心，所以我都有鼓勵Tony，我叫佢當得啖笑！」