英國著名男星丹尼爾格力（Daniel Craig），憑「007」占士邦（James Bond）一角上位而名利雙收，估計身家高達10億港元。52歲的他近日受訪時，自爆唔會分身家給兩名女兒！
丹尼爾在訪問中談到遺產，他說：「我不想給下一代留下很多錢，我認為繼承遺產幾令人反感。我的理念是在走之前花光或捐出去。」他育有兩名女兒，大女是與前女友Fiona Loudon所生的28歲Ella，而細女是與影星老婆麗歌慧絲（Rachel Weisz）所生的2歲女兒，名字至今仍未公布。至於麗歌與導演前度Darren Aronofsky亦育有一名14歲兒子Henry。50歲的麗歌於2018年受訪時已表明「封肚」：「我好肯定知道自己唔會再生。」
不過，丹尼爾的言論被網民寸爆，留言指他「唔好得個講字」，趕快行動捐錢，亦有網民質疑：「好懷疑佢另一半會唔會畀佢咁做」、「你既然咁有錢，點解唔同你屋企人分享財富？至少留番啲錢畀佢哋買樓。」
查實丹尼爾「食言」亦唔出奇，2014年他曾受訪，講到明「割脈都唔會再拍占士邦電影」，但後來抵唔住傳聞1.8億港元豐厚片酬而反口，接拍新一集邦片《007：生死有時》（No Time To Die）。