游學修曾樂彤專心抗疫少見面
藝人游學修前晚現身電台受訪，他提到疫情持續，原本2月公演的舞台劇已延期，而有健身習慣的他現時連做Gym都覺危險。問到在家如何打發時間？他說：「寫劇本，但主要打機，我係成個遊戲亞洲排名頭幾百位，疫症威力幾大！」又笑言有研究直播打機，但又怕攰：「有時間不如寫嘢，做番自己專業，好幸運之後仲有另一齣舞台劇，覺得舞台劇界接受到我呢啲小朋友。」
問到有否抽時間與女友曾樂彤拍拖？他即抵死說：「依家個個都話要隔離，仲講拍拖？隔離就係唔主張互動。」並坦言有一段時間沒與女友見面：「冇計，我有睇佢訪問話咩人都唔見嘛！（包括你？）唔知喎！要問番佢，我都係配合。（分咗手？）睇你點睇啦！（你依家咩Status？）開心、幸福！（點維繫感情？）唔維繫(口架)！順其自然，隨緣啦！」