白只肉搏做榜樣

影帝林家棟與白只等前晚現身尖沙咀重慶大廈，為主演新片《手捲煙》開工。劇情交代兩人與十多個臨時演員發生肢體碰撞「肉搏」，正值新冠肺炎肆虐，台前幕後嚴陣以待，試戲時叮囑兩位主角戴口罩，正式埋位後又安排他們消毒。白只及家棟對劇組安排有信心，白只坦言：「只要做足措施就冇問題，如果我哋穩守得好，就做到好榜樣，為喺呢個時候有意欲開鏡嘅其他同業打支強心針！」
白只與林家棟埋位試戲，未Roll機已「開火」！
白只與林家棟埋位試戲，未Roll機已「開火」！

白只為片中造型犧牲不少，髮型前額剷青、後面留長，胸前的假紋身亦不易清洗：「出街戴帽，返屋企就出盡力，再加酒精抹甩紋身，都幾痛！」至於家棟表示重遊舊地勾起不少回憶：「以前我喺隔籬嘅酒店任職，成日同啲同事過嚟食咖喱角。雖然有廿幾年冇返過嚟，但係當時情景依然難忘。」

重臨舊地，林家棟零舍興奮。
  • 重臨舊地，林家棟零舍興奮。