吳千語讚生活健康　陳庭欣恨鬥戲

近年張達明電影產量不多，但跟他合作過的藝人均對他有讚無彈！吳千語與陳庭欣早前與他合作《家有囍事2020》，千語與達明飾演老夫少妻，她大讚對方健談，生活很健康：「私底下佢有同我傾偈，原來佢之前住喺我屋企附近。除咗做嘢，我知道佢生活好健康，每朝去海濱公園跑步，好佩服佢，咁有自律性。仲有，佢係一個好開心同正面嘅人，令我可以喺一個好輕鬆嘅環境下拍戲，希望將來有機會再合作。」
吳千語讚張達明樂於提攜後輩。
吳千語讚張達明樂於提攜後輩。

而陳庭欣雖然與達明沒有對手戲，但曾在首映禮後的飯局聚頭，她說：「我第一句同佢講係『我細個好鍾意睇《狀王宋世傑》』，講完之後，有啲擔心講錯嘢。（驚佢誤會話佢老？）佢非常Nice，之後我再加句，其實我媽咪都好鍾意睇。」對於達明大病後經常發放正能量，陳庭欣表示很欣賞：「絕對係敬佩同支持，希望有機會合作，電影、電視或舞台劇都好，唔知佢有冇興趣返TVB拍劇呢？」

陳庭欣小時最愛看《狀王宋世傑》。
  • 陳庭欣小時最愛看《狀王宋世傑》。