攬拖蔣家旻 羅天宇：錫都冇所謂！
藝人羅天宇、蔣家旻和麥秋成昨日到電台宣傳音樂微電影，三人穿上同色衫現身，蔣家旻笑言特地夾襯衫：「因為之前出活動唔覺意地同阿成襯咗，搞到羅天宇好似變咗局外人咁，所以今次一齊夾。」
講到戲中兩男爭她，最後是羅天宇爭贏，問到下次可想多幾個靚仔爭自己？她笑說：「唔使啦，最靚仔嗰兩個已經喺我身邊，唔使咁多人爭我啦！唔知點分配感情，同埋今次好多喊戲，兩個我都已經喊到眼腫，再多幾個會頂唔順。」問到戲中可有親熱戲？他們表示得孭、攬和拖手，羅天宇笑說：「如果下次要錫都冇咩所謂，唔會尷尬。」身兼導演的麥秋成亦開心今次反應很好，希望之後可以把微電影改成舞台劇演出。