衛詩雅被讚Kawaii捱餓都抵！
藝人衛詩雅（Michelle）於電影《熟女愛漫遊》中，有超過30個造型，她說：「開拍之前試造型，點知上到去以為自己去咗Boutique，因為佢哋差唔多準備咗50套衫，而且好多都係走可愛路線，每試一套衫都覺得自己後生晒！」
戲中一場參加廟會戲，Michelle與男主角唐禹哲穿上傳統和服，她說：「我第一次着和服，劇組特別邀請咗一個和服師傅嚟現場協助我哋着衫，諗住拍完先食飯，等上鏡可以靚啲嘛，點知我着咗成個鐘先搞掂，套和服連埋頭飾有成7-8磅重，仲要係超緊身，係想大力啲呼吸都好難，所以我要等拍完成場戲先可以再食嘢，不過，大家見到我一身和服造型都讚我Kawaii，所以捱一陣肚餓都係值得嘅！」