姜皓文人生最苦弟妹離散

姜皓文（黑仔）近年多演沉重的角色，今次演《犯》片亦一樣，角色深沉，不過，他很感謝導演馮志強，因對方是自己的「幸運星」，每次拍對方的戲都會有金像獎提名，對方亦不時提點他，令他獲益良多！

入行34年的黑仔，於2018年憑電影《拆彈專家》奪得金像獎最佳男配角，在這之前，他的演藝路總是浮浮沉沉，並捱了一段頗長「窮演員」的日子。

希望萬梓良攞獎

回首過去，他直言最苦的日子，不是在ATV「冇嘢撈」、冇租交被包租婆鎖屋，反而是他小時候，因母親病重不能照顧弟妹，將他們送往不同地方寄養：「屋企人四散係最苦，當時一個去咗兒童院，一個喺長洲唔知乜嘢幸福之家……我睇住但又幫唔到佢哋，嗰種感覺最苦，尤其我最細個細佬，佢連媽咪個樣未望真已經送咗入兒童院。」之後大家長大，各有各的家庭，大家都非常重視相聚的時間，經常會搞家庭聚會，希望追回昔日失去的時光！

今次入圍金像獎，面對《麥路人》張達明、萬梓良（萬子）、《新喜劇之王》張琪等對手，黑仔直言希望「大哥」萬子可奪獎：「佢係一個好哥哥，有一段時間，帶我行咗好多路，喺我冇乜工開嘅日子，佢介紹咗好多製作人畀我識，同安排我去新加坡登台，佢亦試過半夜三更打畀監製，推薦對方用我。」

多年前，黑仔見娛圈市況淡靜，遂嘗試搞私房菜，萬子經常幫襯，但有一日，對方一句說話點醒他：「有一日佢入嚟廚房同我講，呢度冇你嘅空間，你不如返出嚟啦！」當時黑仔「叮一聲」，決定再於娛圈發展，所以他一直好感激對方，雖然近年少了聯絡，但對於今次能夠同「好哥哥」一齊提名，已是榮幸大於一切。至於其他對手，「跑友」張達明、內地藝人張琪，黑仔覺得都是前輩，所以只會以欣賞角度出發，無資格評論。