無望回歸《白色強人2》 李佳芯:死咗比較好啲!

李佳芯、姚子羚、Super Girls成員Aka與Cheronna前晚擔任無綫節目《流行經典50年》嘉賓,李佳芯早前唱《小幸運》,被網友形容為「魔音」,後來努力跟老師學唱歌已有進步。她透露於節目唱《幸運是我》,問到為何不再唱《小幸運》?她笑言:「此幸運不同彼幸運。(魔音幾時回歸?)我覺得唱得好好喎,自己講完都有啲心虛。」

提到被飛出新劇《白色強人2》,她說:「我都係睇新聞先知,不過冇去求證,始終一日未開拍都仲有好多變數,睇公司決定啦。(冇份會失望? )其實上一集角色Kennis中咗槍,冇交代生死,當時編劇都話我個角色死咗比較好啲,大前提劇情為主。(幾時再拍劇?)未有消息,始終演員永遠都係被動,只可以等消息,依家做自己嘢先,暑假會出一本散文集講生活逸事。」

Cheronna想影全裸相

至於穿透視裝上陣的Cheronna自爆有人追,但想專注工作,計劃操弗身形拍全祼相留念。而姚子羚近日被拍得與前男友Raymond食飯傳復合,她說:「只係朋友聚會,我有出席,佢又在場,大家一直都係朋友。(復合?)將來嘅事將來先算。」