樂隊Mr.鼓手Tom的太太何思諺（Leanne），日前帶兒子杜杜出席時代廣場舉辦的毛氈公仔手工活動。由於兒子停課關係，她坦言盡量在家安排活動：「最近屋企嚟咗個新成員狗仔『Dolby杜比』，老公同杜杜用好多時間、心機去照顧佢，令杜杜責任心同愛心都多咗！呢排我哋又一齊研究煮食，仲會喺屋企一齊做運動、睇書、做家居清潔，希望停課不停學，依家仲忙過返學。」
