陳柏宇住最細得張床衰過工人房
歌手陳柏宇（Jason）近日租住九龍區一間逾千呎豪宅，老婆符曉薇為滿足Fans參觀心願，特意拍攝一條長逾20分鐘的House Tour片，大方走勻新居每個角落，「攤開肚皮」詳盡介紹！全屋共有四間房及四個露台，客飯廳合併，寬敞空間讓愛女Abigail及多隻寵物走動，落地大玻璃面向大草地，心曠神怡。
「5位數字租半億嘅樓」
講到Fans最為好奇的租金，兩公婆守口如瓶：「價錢適中、合理，遇到個好業主，屋入面啲傢俬大多數都係上網買，都有分享買啲平、靚、正傢俬。」片段意外踢爆Jason的「秘密」，原來他鍾意住最細的房，連工人房都不如：「兩公婆住，喺間房唔會搞其他嘢而嘈到另一半，唔想一個瞓緊覺、一個就起身整嘢。Abi間房就係最大，但暫時做咗玩具房。」
問到可會考慮置業？兩夫婦異口同聲指現階段以租樓為主：「樓市太貴，鍾意住寬敞啲嘅屋都係未有能力買到，租就OK，要置業都想返加拿大，覺得喺香港租樓同買樓價錢唔成正比，租樓用5位數字就可以住到差唔多半億嘅樓。」
