愛駒退役「移民」劉小慧爆喊：養到佢終老

蘇志威與太太劉小慧向來視愛駒「駿王」如親兒，上月駿王無奈包尾兼第二度驗出心律不正常，根據馬會賽事規例，馬匹將被禁參賽6個月，昨日練馬師鄭俊偉向受薪董事透露，蘇志威已答應讓年屆7歲的駿王退役。
劉小慧與老公對「駿王」疼愛有加。
劉小慧與老公對「駿王」疼愛有加。

養了駿王3年的劉小慧在電話中說：「佢退役，冇得玩喇！打算送佢去新西蘭嘅靚農場歎世界，幾時走、住邊度要視乎練馬師安排，我一定會養到佢終老，使費有平有貴，都係幾萬至幾十萬啫！所以我要喺社交平台努力賣嘢搵錢『養仔』。」談到將分隔異地，她即時爆喊：「好唔捨得，我一定會飛去探佢，當送個仔去外國讀書。」

「駿王」曾大勇奪冠，令蘇志威夫婦勁興奮。
  • 「駿王」曾大勇奪冠，令蘇志威夫婦勁興奮。