陳庭欣疫市食腦 咪神開班冧仔

陳庭欣這個老闆娘真性感，加埋咪神陳婉衡，有乜辦法唔好生意？

陳庭欣（Toby）、蘇永康、胡定欣、洪卓立、連詩雅、張振朗等，前晚齊齊出席無綫慈善節目《星光熠熠耀保良》，擔任司儀的Toby以一襲金色低胸晚裝現身，被指「全場最性感」。談到有份投資的健身室，Toby坦言疫情之下生意反而轉好：「大家都開始注意身體健康，只要加強消毒及清潔，啲客就好放心，近期都多咗人嚟問有咩課程可以上。（陳婉衡幫你哋做導師？）佢個課程好受歡迎，真係好難Book，特別吸引男士，我哋叫呢啲做『女神堂』，其實郭子豪都有幫我哋，不過佢比較忙，嚟緊我都想搵多啲男神，幫我哋上『男神堂』。」

蘇永康兒子搶鏡

而蘇永康帶同太太及快將3歲的兒子Jazz出現，Jazz頓時成為焦點，蘇永康讚兒子對音樂有潛質，但仍不願他將來入行。談到日前與許志安為慈善機構派口罩，他表示與慈善機構合作多年，日前獲悉他們口罩存貨所剩無幾，即聯絡張衞健、梁漢文及安仔等人，眾人二話不說認購幾千個口罩捐出，對於安仔不願上鏡，他說：「貫徹佢嘅性格，低調唔係壞事，最緊要做好事。」活動上亦發生一段小插曲，蘇永康竟與同場謝東閔撞衫，後者即換過另一套衫以免尷尬。

雖然受疫情影響工作，但定欣慶幸之前有登台收入，故未愁生計。

細路，咪捽眼呀！

此外，監製何小慧於節目播影期間，欲趨前與演出嘉賓肥媽攀談，沒料「差錯腳」跌倒，坐在地上未能站立，最終更因手傷要召救護車送院治療。