幸運趕上「尾班車」 祖兒向麥當娜偷師！
天后容祖兒日前在倫敦殿堂級劇院The London Palladium舉行世界巡唱，受新冠肺炎疫情影響，很多朋友都擔心其健康，幸而她與團隊終排除萬難完成演出。她坦言以往出埠例必帶媽咪同行，今次卻沒有：「媽咪大病初愈，身體抵抗力冇咁好，留喺香港唔出門最安全。」
約歌迷London Eye打卡
大批鐵粉專程飛歐洲捧場，祖兒約齊他們在名勝London Eye前大合照，並說：「佢哋咁遠都站站跟，平日完騷又冇乜機會同佢哋傾偈，咁難得咪約埋一齊打個卡留念！」她又在倫敦街頭踩單車，笑說：「喺荷蘭已經好想踩，但冇人肯陪我，終於喺倫敦完成心願！不過我踩咗半個鐘就走，因為着唔夠衫，隻手凍到僵晒，驚冷親會影響演出。」
今次倫敦巡唱的演出場地，國際巨星麥當娜亦曾在該處開騷，祖兒透露在巴黎時有專誠睇對方演出：「好好彩睇到佢巴黎最後一場演出，之後佢都因為疫情暫停咗。我知佢扭傷咗腰骨，但喺舞台上面展示驚人強勁魄力，令我好佩服！今年係我入行20周年，睇完娜姐演唱會畀咗好大嘅精神鼓舞，希望到我下一個20年，都有佢咁勁嘅魄力，繼續喺舞台發光發亮。」據知祖兒今日就返港，將稍作休息及自我隔離。
