胡曦文溫碧霞烈艷紅唇省招牌
商界才女胡曦文（Christy）成功打造法國品牌「Crisathena」及首度與溫碧霞攜手推出「Christy X Irene唇膏」系列，兩人烈艷紅唇配襯性感裝扮做生招牌登場，獲圈中好友齊來撐場。
胡曦文昨日身穿中門大開性感透視裝，孖實男友羅御軒（Joseph）出席品牌舉行的發布會，圈中好友黃百鳴、吳國敬、郭政鴻、陳嘉容、谷祖琳、周美鳳、澳洲政府領事前來到賀，會上Christy的「Crisathena」品牌推出首個唇膏系列，又宣布與男友創立慈善基金「JC Happiness Charity Foundation」成立，她坦言好緊張：「始終疫情下大家都好多唔方便，但喺疫情下舉行活動大家都好支持、好畀面嚟到，真心係好感謝！」品牌之前在外國推出手錶，更搵來范冰冰、著名內衣品牌的模特兒宣傳，反應熱烈好快賣晒，今次推出唇膏兼捐贈The Fred Hollows Foundation，幫助至少1,000名患白內障的人做手術重見光明，她覺得好有意義。
搞到男友元氣大傷
Joseph很開心可以與Christy籌辦慈善基金，大讚女友好溫柔，並笑說：「但係你哋未必有機會見到，最緊要我見到。」兩人本計劃今年5月結婚，Joseph說：「都要等疫情，隨心隨緣啦！」Christy笑言如今要考男友耐性，Joseph即指她很難追：「都令我大傷元氣！但都OK頂得住。（傷咗你邊度？）呢啲比較私人，都OK嘅，咁佢係女神嚟，係要畀啲耐性，但都係值得嘅，佢心地好好，好有理想、好有抱負嘅一個女仔，我係非常欣賞。」Christy笑說：「多謝喎！咁你都英俊、瀟灑有智慧。」
而溫碧霞（Irene）以一貫性感露肩裝示人，她表示與Christy是相識多年的朋友，很欣賞對方的善心：「佢一直同我講好想成立慈善基金去幫助世界有需要嘅人，咁女仔塗唇膏好靚、好吸引同性感，好想有自己品牌好耐，今次係第一次出唇膏，有4種色，全部都有Bling Bling、橙紅色。」而她家中收藏的唇膏也多不勝數。疫情下個個戴口罩是否少搽唇膏？她說：「唔需要成日戴住，有咁多地方要戴，呢個疫情會穩定落嚟，希望快啲過好番晒，過番正常人生活。」她坦言不驚死，她相信命運，但都會小心，在多人地方一定戴口罩。
談到荷里活影星湯漢斯夫婦確診新冠肺炎，她說：「知呀！聽到好Sad，希望大家都健康，所以要小心。」老公家人居於美國，她說：「佢哋都開始擔心，雖然當時美國未爆發，但佢哋都知病毒會出現，因為全世界啲人都飛嚟飛去。本來之前有諗住去探佢哋，佢哋都話唔好嘞！（嗰邊超市被掃光？）佢哋嗰邊OK，始終地方大。」