蕭正楠新派濟公湯洛雯學舞做捕快
湯洛雯最近愈戰愈勇，在多套劇集的演出均備受認同，無綫再推她一把，讓她於3月中開拍的古裝劇《一笑渡凡間》中坐正做「女一」！她受訪時坦言相當重視：「今次係第一次正式做女主角，所以好緊張，劇本差唔多出晒，我好勤力咁做功課。今次角色好唔同，以往我都係做開心、樂觀嘅女仔，今次就做鐵面捕快。」她更特地學Jazz及K-POP舞，希望身手更靈活。
沈震軒角色神秘
此劇是關於濟公的故事，過往不少藝人演過濟公角色，如陳浩民、梁榮忠、周星馳等，故無綫今次加入新元素。飾演濟公的蕭正楠，希望帶歡樂給觀眾：「濟公最叻就係正能量同醫病，希望拍呢部劇嘅時候，香港疫情會好轉。」他與湯洛雯曾在《翻生武林》中合作：「佢係一個唔差嘅對手，有自己一套幽默感，希望更有火花。」
至於同劇的沈震軒日前為角色倒模，他大賣關子說：「我只可以講，係一個驚喜同好考演技嘅角色，好好玩！」
