黃榕搵龐景峰陪操 玩齊招式

黃榕是健美小姐比賽常客，過去兩年四度參選，成績更一年好過一年，去年獲「比堅尼小姐」亞軍及「美臀小姐」第五名。今年再接再厲將報名兩個比賽，黃榕日前相約擅長街頭健身的龐景峰（Andrew）到維園特訓，在他指導下苦練Dragon Flag、Toes to Bar及Push Up等多種招式，操到青筋暴現！

一日三餐 吞碗半飯

愈戰愈勇的黃榕表示參賽目標明確，只想奪得一次冠軍：「呢個係我夢想！我覺得自己上到台，體形比其他人嚟講太細粒，所以依家要練大隻，搵Andrew學係一個好挑戰。」本身43kg的她，希望能增磅至50kg，已預計食到嘔：「食雞胸食到厭，我就加入唔同味道，呃自己嗰啲唔係雞胸，仲有三個月時間備戰，希望一日食到6、7餐，但依家只係食到3餐，但分量就大咗，每餐食到一碗半飯。呢排疫情唔適宜聚餐，有藉口推朋友。」Andrew則讚黃榕愈健美愈青春，義不容辭助她健身：「身體係一副機械咁，係要郁唔可以荒廢，好開心見佢Keep得咁好。」黃榕則指每次提出想學某個動作，他只會說很易：「佢成日話八堂一定掂，畀好大信心我，真係好想做到一啲男仔做到嘅動作。」

Andrew做街頭健身逾五年，發現香港愈來愈多人鍾意到公園做健身：「做健身可提升免疫系統，同埋呢度有新鮮空氣，防疫唔係完全唔好出街，睇你去邊度，如果有新鮮空氣，反而唔錯。」