鄭俊弘（Fred）日前為新歌《不要流淚》拍攝MV，他指這首歌有一種好歐陸的感覺，笑說：「係一首充滿法國手風琴色彩嘅歌曲，我完全感覺到嗰種好chill享受生活嘅寫意感覺，導演特登搵咗架古董車做道具，諗住我可以揸住遊車河，可惜我唔識揸棍波。」MV故事講述男人之間的兄弟情，大家圍埋一齊講車、玩音樂、去酒吧happy hour，令Fred回想起與朋友夾band的日子，他說：「男人之間會有小磨擦，但兄弟唔會有隔夜仇，大家好簡單飲番杯，拍拍心口心照就冇事啦。」
