森美父母完成14天隔離後返家，昨日他受訪時明顯輕鬆不少。談及一對子女，他指女兒在家視像上堂，他試過不為意大嗌：「阿女出嚟食飯。」非常爆笑！至於兒子在英國讀書：「佢學校喺偏遠地區，未有確診個案，但我都寄咗十幾個口罩畀佢。（太少？）我屋企都係得百幾個咋喎！反而聽聞英國開始搶廁紙，諗住問阿仔有冇廁紙用，唔夠就寄過去。」
