馬國明認花心拒學心穎紋身

馬國明、岑麗香、商天娥及吳業坤等，昨日於將軍澳電視城為新劇《BB大晒》進行拜神儀式。提到舊愛黃心穎腳上紋了玫瑰花紋身，馬國明笑言：「我唔知喎，佢自己鍾意同埋開心就得，唔可以代表佢發言。不過我就唔會紋身，因為我好花心，驚今日紋咗，聽日唔鍾意要剷咗佢。」對於心穎無意轉行，等待復出機會，他說：「我支持佢，每個朋友都想佢好，呢啲等公司安排。有好多嘢唔使睇得太重，唔好一樣嘢就抹殺晒人哋咁多年嘅努力，希望佢繼續努力，大家會對佢改觀。」

岑麗香怕背中文

提到最近被指介入唐詩詠與陳思銘的戀情，更令女方懷孕，令他大動肝火，他說：「其實唔係好憤怒，可能隔住個電話回應有咁嘅錯覺，不過都清清楚楚講番件事。唔想喺詩詠同個男仔之間有我個名，真係唔知佢哋係咩關係，好抗拒人哋寫我係第三者！」續指「詩詠大肚」的新聞太假，不值一提。

岑麗香產後首次拍劇，粉絲必定期待。

吳業坤自知講錯說話，向商天娥鞠躬道歉。

他表示於新劇專一，娶得文青女神岑麗香：「戲內就專一，戲外就唔知喇，係男人都花心，諗吓都好！」至於產後首次拍劇的岑麗香表示：「好有新鮮感，最大壓力係背中文，試過將一家三口講咗『一三家口』，哈哈。」

吳業坤冇大冇細？

另外，吳業坤於活動上竟叫商天娥做「天娥」，眾星即時起哄，令吳業坤尷尬不已，不過商天娥笑言不介意：「我老公都唔會咁叫我，可能佢覺得『娥姐』多人叫，叫『天娥』特別啲，真係畀佢笑死我！」