曾樂彤烏龍遊日險吞生餃子

歌手曾樂彤剛推出新歌《找到一個人》，早前趁假期與朋友去日本快速叉電，大歎必食的燒三文魚飯糰，及大手購入化妝品。今次她險些誤食未煮熟的餃子：「剛到埗見肚餓，求其入咗間拉麵店，碟餃子一嚟，見到硬冰冰同生嘅一樣，我哋以為個賣相係咁，就冇出聲，好在隔籬枱個日本人見到好奇怪就幫我哋換，真係好搞笑！」
曾樂彤去到日本，拍片與粉絲分享趣事。
曾樂彤去到日本，拍片與粉絲分享趣事。

入行前是著名網紅的她，不時拍片網上分享生活點滴，如今她重施故技再拍Vlog，滿足Fans睇片心願：「依家拍Vlog純粹係記錄旅行嘅趣事或無厘頭嘢，係完全冇壓力下拍，比起以前要搵題材好唔同，加上疫症時期唔適合出街，係同Fans互動嘅好方法。」

曾樂彤幾乎食咗生餃子。
  • 曾樂彤幾乎食咗生餃子。