6號「死人口」辣㷫肥媽

肥媽昨日偕陸浩明（6號）到大埔派口罩，重裝上陣的她透露，早前在英國買了很多洗手液及口罩捐出。而6號則笑言之前最缺廁紙，以致唔敢「開大」！肥媽又表示疫情下減少家庭聚會，很恨見剛出生的第16名孫女：「無謂呢個時候抱，不知幾想搣吓佢，出世之後淨係見過一面。」此時6號插嘴：「下次見BB可能讀緊大學！」此話一出即觸動肥媽神經，大罵：「啋過你呀！又講錯嘢！死人口、收吓口啦！疫情好快就過！」6號知衰頭耷耷說：「我係形容小朋友大得快啫！」問到最近沒更新社交平台，是否怕再闖禍？他卻搞爛Gag稱「經一事、蔡一智」。