新一集占士邦電影《007：生死有時》（No Time To Die）因新冠肺炎疫情影響而宣布押後至11月上映，雖然今次最大賣點是男星丹尼爾格力（Daniel Craig）最後一次飾演占士邦，不過近日有傳他「轉軚」，重新考慮再次出演！
據知他為自己留定後路，叫電影公司的宣傳人員不要以「今集是他最後一次演占士邦」作賣點，有知情者說：「雖然佢之前講過話唔再演，不過我唔認為丹尼爾同占士邦嘅關係已完。佢同4年前《007：鬼影帝國》（Spectre）推出時嘅態度一樣都係大大聲聲話唔再演，之後證明佢唔係。」查實當年丹尼爾曾決絕揚言寧願割脈也不再演占士邦，最終仍難抵2,500萬美元（約1.95億港元）豐厚片酬而回心轉意拍攝了今集。
另一方面，美國樂壇紅人Katy Perry日前於新MV中以大肚婆姿態出現宣布為影星未婚夫奧蘭度布林（Orlando Bloom）佗B，有報道指二人將於今年6月在日本舉行婚禮，不過及後有消息指由於當地疫情嚴重，因此決定將日本婚禮押後，另有指她們考慮於美國行禮。