谷婭溦多得吳若希教路咬筷子捱出頭
去年底獻唱國語版《今宵多珍重》大受歡迎的歌手谷婭溦（Vivian），不足三個月時間，已在各大平台累積逾200萬點擊率，引起網民熱議。近日她再度演繹經典歌《月亮代表我的心》，獲網民封為「翻唱歌后」。她自2009年起參加多個中、台歌唱比賽，直至2015年在無綫歌唱選秀節目《超級巨聲4》奪亞軍，最後加盟星夢娛樂，從北京離鄉別井來港發展。
勇字當頭的Vivian不理父親反對，堅持來港發展歌手夢，幸得老闆何哲圖成功說服其父，她說：「爸爸係個非常傳統嘅人，希望我有份穩陣嘅工作，唔想我做歌手，呢件事令我哋之間關係好差。大概用咗半年時間不斷來回溝通，老闆仲約咗我父母一齊食飯，爸爸同老闆傾完非常放心，覺得遇到賞識我嘅伯樂，之後就畀我完成自己嘅夢想，當下好感動。」
有得唱主題曲
入行後她曾經歷事業低潮，讓父親覺得寂寂無聞的她並不適合娛樂圈。直至去年，她憑《今》曲獲得關注，而新歌《我為我堅強》更首度成為劇集《獨孤皇后》主題曲，她笑說終感到捱出頭來：「好彩堅持過嚟，我終於可以同屋企人講，我係唱前面，唔再係片尾曲。」
Vivian來港初期人生路不熟，語言不通。為了學好廣東話，她也下了一番苦功，更獲同門師姐吳若希（Jinny）傳授秘方，她說：「當時Jinny教我咬住筷子讀報紙，我就每日用半個鐘去做，真係好有用！同埋我會睇公司嘅劇，跟住電視讀台詞，阿姨仲以為我傻咗！」