關智斌街拍被法國鞋王睇中

天后容祖兒、張敬軒與關智斌（Kenny）「現身」鞋王巴黎展！法國鞋王Christian Louboutin近日在巴黎舉行歷來最大型的鞋展，擺放了多張曾穿紅底鞋的國際明星照，香港代表則有祖兒、軒仔與Kenny。

Kenny表示：「今次展覽張相，係我上次喺巴黎時裝周嘅街拍，冇諗過品牌會揀我嘅相放喺呢個咁有紀念性、咁大型嘅展覽入面，真係好開心。」而祖兒承認「要靚唔要命」，鞋踭愈高愈有自信，認為女士不可隨意着鞋。至於軒仔曾在演唱會穿該品牌鞋履，能夠「現身」展覽感榮幸。