岑麗香劇本當課本教囝囝中文
岑麗香昨日在將軍澳電視城為無綫新劇《BB大晒》首日開工，坦言很久沒有說廣東話，第一日開工心情緊張，她笑說：「屋企得我講廣東話，中文係退步咗，呢排抱住BB喺屋企睇劇本，都會大聲啲講、練吓咬字，希望BB可以吸收到廣東話，等佢學多啲語言。中文得我教到佢，老公中文仲差過我，依家劇本變成咗BB課本，我就變咗中文老師。」
生BB後久休復出的香香被問到開工時可會掛住BB？她笑說：「都會掛住，有時都會視像睇吓。不過，拍劇之前都考慮咗好耐，亦都開過家庭會議，有家人幫手照顧先拍。」又指劇中的BB比她的兒子年紀大，看劇本可以偷師湊B，更可學習怎樣揀學校。此外，講到劇中拍檔馬國明最近被傳與唐詩詠撻着的緋聞困擾，問到對方可有向她訴苦？她說：「我好耐冇睇新聞，唔知咩事，頭先只係見到佢一面。」