周嘉洛得細路歡心愈廢愈愛
「廢青金城安」周嘉洛昨日上電台接受鄭裕玲訪問，他笑言將「第一次」交給對方，講到鄭裕玲鍾意小鮮肉，他自認未夠班：「佢係鍾意靚仔嘅小鮮肉，我未達標！」
談及拍攝《愛．回家》後深受師奶歡迎，他說：「係我嘅榮幸！其實都有好多小朋友鍾意我，佢哋喺街叫我廢青會覺得係讚賞，因為之後就話要合照，鍾意先合照嘅，除非佢用嚟打小人！（會拍其他劇？）隨緣，暫時冇諗咁多，因為《愛》都好發放正能量。」
成當旺小生的他，對於被指接馬國明班，他即謙稱：「實在係個美譽，自己冇諗咁多，暫時都係得一套劇，做好目前嘅嘢先，上位都要有好多因素。」