林穎彤拍拖要認唔敢呃老闆
「緋聞情侶」林穎彤及伍富橋昨日着黃色情侶衫，上電台宣傳合唱歌《迷魂陣》，林穎彤笑說：「依家日日宣傳成日見，默契都愈嚟愈好，感情都好咗，係好熟嘅朋友，哈哈！（對到厭？）我唔悶嘅，但跳舞嗰陣有鬥嘴。（佢隻手放錯位？）啱位！嚟緊喺白色情人節會上節目再跳。（一齊慶祝？）全日都喺公司，可以撐枱腳。」
問到伍富橋可會送女方朱古力及送她回家？一直少發言的他終開腔：「平時都有互送零食，當晚可以送佢返屋企。（追緊人？）了解中，佢係好乖、孝順。（係你鍾意嘅類型？）都係。」林穎彤聞言興奮大叫：「Yeah！有人鍾意我！（驚一拍拖就被棒打鴛鴦？）都係，事業為重。（發展地下情？）有拍拖點都要畀老闆知，唔會呃公司。」