惠英紅打鐵趁熱同黑仔鬥多鋪

無綫劇集《鐵探》去年播出時反應甚佳，大結局錄得33點收視，帶挈一眾主角人氣急升，當中演型到爆的紀律部隊高層惠英紅，更是全劇靈魂人物，最終還以大熱姿態勇奪今屆《萬千星輝頒獎典禮2019》視后寶座，她於頒獎台已表示想多返無綫拍劇，果然說到做到，最近落實接拍一部驚慄偵探劇，對手還有《鐵探》的拍檔姜皓文、演惠英紅兒子的王浩信等。

賣關子保持神秘

據知該劇圍繞不同的精神病患者，故一眾演員於開拍前已搜集大量資料，惠英紅的演繹將比《鐵探》更激，而劇集以美劇形式拍攝，預料兩季合共廿多集，將於4月底開拍，除了本地戲份，初步有意移師東南亞拍外景，不過求證於惠英紅時，她卻大賣關子，僅說：「其實我知公司傾緊，其他嘅未知。」

地獄特訓演警官

而去年失落視帝獎的姜皓文，實行再接再厲，他受訪時承認答應接拍該劇，卻未知對手是誰，他說：「真係唔知原來係紅姐（惠英紅），係佢梗係好啦！上次一齊開工氣氛都好好，節奏又舒服。（你演咩角色？）暫定係高級警務人員，詳細劇本仲未傾，依家都係好初步。（酬勞可觀？）唔知，有個好拍檔緊要啲，片酬多與少唔係最大問題，冇乜所謂嘅！其實之前杜生（無綫高層杜之克）講過想《鐵探》原班人馬再拍多套，但未必係警匪，後來就擱置咗。不過依家有呢套都好好，可以同紅姐再拍劇集。」

姜皓文為了配合角色，近日已展開地獄式收身計劃，單是跑步已一日三次，務求開工時能回復健碩身形。