Ana R.憂年老舅父染病 洪天明韓籍母早撤離
母親是韓國人的名模Ana R.受訪時透露媽咪現時不在當地，但擔心仍在韓國的其他家人：「我媽咪搬去美國住，但媽媽嗰邊屋企人全部喺韓國，依家佢哋都OK。媽咪最擔心佢最大嘅哥哥，因為大舅父已經70歲，年紀大易感染。（媽媽家人住首爾定大邱？）分散韓國各地都有。」
至於洪天明透露韓籍母親自去年10月底已從韓國返港，直至疫情爆發後已沒有再到當地，但由於舅父及其他家族成員仍居住於此，所以分外擔心，他說：「呢個時勢都叫媽咪暫時唔好返去，同埋每日都會留意新聞，了解吓當地情況，但我哋又做唔到啲乜……惟有叫大家做好消毒工夫，希望呢個疫情快啲過去。」
