江海迦（AGA）受疫情影響取消4月兩場處女紅館演唱會，昨日她到電台宣傳新歌《Mad》，自爆取消個唱時，個心有「乸住」感覺：「堅守到最後一刻先決定，有1%機會都想開，但延期唔係自己決定到，健康最重要。」有Fans不退票，AGA大派定心丸說：「已經再入紙申請，希望今年內再開。」
新歌是其個唱其中一Part的主題曲，她說MV拍了兩日，更變身打女拍爆樽鏡頭：「驚鎅損又驚傷到人，原來爆樽好講究角度、啲玻璃碎爆唔爆得多，最終爆咗四個樽。」
