李曼筠尋幽探秘滿足好奇心

經典靈異節目《怪談》之前已做了十輯，鐵膽梁思浩主持了大部分外，亦有其他嘉賓參與，上輯就有身材出眾的「動漫Maggie」李曼筠。Maggie直言參與此節目有不少難忘事：「首先係可以親身探索有靈異傳聞地方，滿足自己對靈異、星相命理、超自然神秘學等等嘅好奇心，同時又可以去冒險，去險峻到只能放到一隻腳嘅山路斜坡、濕滑到唔知道到底行唔行到嘅泥地、隱秘又超多蝙蝠嘅山洞等等，都順利完成到，實在係挑戰身心嘅任務！而且返到廠同思浩一齊主持直播節目亦係第一次，係好難得嘅經驗！」Maggie大讚「怪談團隊」一向團結認真，令人佩服，因此一定會支持新一輯節目：「可以做足十幾廿年唔係冇原因嘅，《怪談》係真正嘅靈異節目！」