梁思浩做靈異社工 打造驚典

由梁思浩主持的香港開電視節目《經典‧怪談》正在播出，逢星期六、日晚上12時在77台香港開電視播放，節目系列元祖級主持梁思浩帶領觀眾遠赴日本，重溫一個又一個毛骨悚然的奇情經歷！

東瀛文化及歷史總是帶點神秘感覺，靈異懸疑事件多不勝數，當中有些更非常恐怖詭異，今次節目以「鬼之咒‧東瀛十三」系列為主題，集合多個靈異故事，包括自殺森林、明野劇場、富士山怪奇事件簿等，喜歡刺激靈異節目的觀眾不容錯過。

《經典‧怪談》由《怪談》元祖梁思浩擔任主持。	唔係拍緊《凌凌漆》，思浩真係感動到喊。	梁思浩遠赴日本尋幽探秘，以「靈異界社工」的身份探索另一世界。

一人分飾兩角

梁思浩表示今次拍攝手法頗為特別，用了韓國綜藝節目的方式，會出現兩個「空間」，他要一人分飾兩角：「一個係我自己，一個就係用番主持嘅身份。今次拍攝都有好多深刻嘅環節，例如追查女優草莓牛奶自殺事件，同埋我哋喺自殺森林搵亡靈期間出現彩藍色嘅雀仔，至於點特別法就要大家去睇啦！」思浩主持了500多集《怪談》，他表示是事業上很重要一環，令他在東南亞人氣大增，問到主持靈異節目會否感覺恐懼？他說：「我反而覺得做緊功德，好似靈異界社工咁，所以愈拍愈有使命感。」

到明野劇場探險，一步一驚心。

攝製隊深入自殺森林探索死亡真相。

接觸靈界喊晒

監製梁志豪透露今輯一眾幕後人員都會出鏡，分享過去鮮為人知的經歷，他又特別推介節目內容包括思浩在日本入住猛鬼酒店的奇遇，亦會到馬來西亞拍攝一個怨靈故事：「今次真係接觸到靈界，但大家唔係驚，而係感動落淚，呢一集絕對值得收睇！」