銅鑼灣餐廳停業 Oscar「三不」護員工

疫情對飲食業造成影響，藝人江若琳的老公蕭潤邦（Oscar）有份經營的生煎包店，銅鑼灣分店被發現貼出「暫停營業」告示，昨日Oscar受訪時說：「銅鑼灣舖營運咗3年，啱啱租約滿咗，其實三個月前已考慮搬去荃灣區開新舖，視乎情況，或者會再喺銅鑼灣開番。」又指業主三個月前已減租10%，但做生意要考慮地段發展潛力，故決定撤出銅鑼灣區。問到員工如何處理，他揚言堅持「三不」：「不裁員，不減薪同不無薪假，員工主要係兼職，佢哋想搵番近屋企嘅工，所以唔跟我哋走，有啲就被調配到其他五間店。」