何雁詩當鄭俊弘鹹魚
鄭俊弘昨日以新劇《陀槍師姐IV》造型到電台宣傳，首演反派的他今次扮社團大佬：「性格火爆，成日鬧人，講嘢都好粗俗。」更與洪永城爭做揸Fit人，問可有互相爆粗，他笑說：「停機後就有。（動作戲？）有成班手下跟住，唔使我打。」又指未婚妻何雁詩不知他拍過首兩輯《法證先鋒》：「佢問係咪做死屍？唉！幾過分！」
至於轉做獨立歌手的何雁詩透露，新歌將於本月11日推出，送給當天生日的媽咪，她在網上留言：「我做咗27年人，都冇咩出色的生日禮物送畀我媽，希望今年特別啲，送首歌畀佢，如果唔係媽咪一直鼓勵我去做呢首歌，我應該冇咁嘅勇氣去開始。」
