吳雲甫不避「炎」結婚

吳雲甫愛在瘟疫蔓延時，昨日娶老婆！

Owen與太太已有共識婚事低調進行，晚上沒擺酒，只與親人簡單吃飯，並返外家做回門儀式：「佢屋企人喺泰國，我嘅親人部分喺加拿大，可能會喺呢兩個地方同香港補擺婚宴，日子就要視乎疫情情況。（心情緊張？）唔算，尋晚我仲獨自喺屋企睇波，太太就返外家上頭，今朝接新娘我都冇叫好多兄弟，費事佢哋捱夜睇波仲早起，我自己搞掂，由啲親戚嘅小朋友主持，過程都好搞笑好多蝦碌，但開心嘅。」

舊愛發文唔係「贈(興)」

他說簽字時才開始緊張：「好似拍戲遇到啲大前輩咁，我宣誓仲冇老婆講得咁順。」拍拖不久便結婚，他大讚太太性格好，大家都愛運動，非常投契，又想早日生BB。

戴上婚戒，女友正式成為吳太。

新娘林瑋如係瑜伽導師，與吳雲甫影高難度婚照。

到場觀禮的前有線主播陳如楓，指新人非常恩愛，無懼疫情註冊，既勇敢又浪漫！此外，Owen舊愛近日發文以「拍拖多年的男友」作比喻，講及一些分手錢銀轇轕問題，Owen回應指兩人關係友好，而她亦有在其健身中心兼職，相信對方所指的是前僱主。