疫情令到不少有仔女的星媽都要想辦法給子女「放電」，而女星張栢芝近日帶同三個兒子，與親友去旅行避「炎」，連日來邊玩邊上載旅行靚相，更與網友開心Share。向來熱愛Fashion的栢芝，昨日晒出自己的OOTD（Outfit of the day），見她以全身豹紋造型上陣，化身「豹女郎」跟細仔「小王子」玩旋轉木馬和騎恐龍，非常溫馨！
雖然只是見到細仔側面，但見栢芝悉心為他紮起噴水池辮仔，可愛到爆，而二仔Quintus則和朋友玩碰碰車，大家都玩得好盡興！此外，栢芝亦化身「Cooking Mama」，為一屋小朋友下廚做早餐，並稱個個爭住Order她最拿手的三文治。