吳海昕細碼變加大碼
藝人吳海昕與劉俊謙昨日出席ViuTV劇集《二月廿九》記者會，該劇於北海道取景，由於當地氣溫攝氏零下，吳海昕笑言要黐廿個暖包開工：「搞到啲衫由着細碼變到加大碼，但都唔夠暖。（風雪下講對白好難？）會打到塊面好痛，所以每次Roll機前都要用熱水漱口同敷面。」
而劉俊謙則表示最怕落雪程度不穩定：「因為會唔連戲，如果拍嗰時冇乜雪，我哋就要將啲雪淋上頭。」談到他有份角逐金像獎「最佳新演員」，他表示沒信心：「唔希望覺得好想攞獎，到時冇獎就會好失望，所以有提名已經好開心，不過今年冇實體頒獎禮係有失望。」