於2008年憑《Mercy》一曲爆紅的35歲格林美得獎英國女歌手Duffy，2011年突然銷聲匿迹，最近終親揭當中秘密，原來她當年被綁架兼落藥迷姦，掙扎多年才走出陰霾！
曾來港舉行演唱會的Duffy，前日於Instagram撰文解釋「失蹤」的來龍去脈，她上載一張黑白照，透露準備推出第二張大碟期間的慘痛經歷：「真相係，請大家相信我，依家我係OK同安全，當時我畀人捉咗禁錮幾日，畀人落藥同強姦。當然我係幸存者。復原花咗一段時間，我唔可以隨便咁講，但我可以話你知，過去十年，我花咗成千上萬日子，嘗試去再次感覺心入面有陽光，而我終於等到。」
她自言無法解釋為何現時有勇氣公開，但認為是合適時機，又透露曾有一名記者聯絡她，她坦白交代經歷，並將於未來數周再受訪，公開更多詳情。她又鼓勵網友發問：「如果你有咩問題，可以嘅話，我想喺訪問解答。我對你哋嘅多年好意，抱住神聖嘅愛意同衷心嘅感激。你哋係我朋友，我想多謝大家。」
至於為何未有選擇借歌抒發，她表示：「你可能會問，點解我唔用唱歌嚟表達痛苦？我唔想向世界反映眼神入面嘅悲傷。我問自己，如果我個心破碎咗，又點樣可以由心唱歌？之後我個心先慢慢復原。」