馮盈盈幫補學費劉佩玥獎勵阿媽

政府派錢,不少藝人受惠,齊齊諗諗點用呢筆錢,有讚亦有彈。

劉佩玥:「呢一萬蚊都會畀阿娘,呢排佢真係好忙,買日用品又貴咗,佢都大壓力咗、辛苦咗,獎佢買吓自己嘢或者用嚟一家人去旅行。」

馮盈盈:「報讀咗演藝課程,一個演藝課程都要幾千蚊,有呢一萬蚊會用嚟幫補學費,上多幾個課程,由初級班上到去大師班都得喇!」

鄧佩儀:「我會儲起佢,或者買機票探喺加拿大嘅媽咪,我平時有多餘錢都係用晒喺機票上,返加拿大探家人。」

邱芷微:「呢個措施幾好,起碼令啲市民少啲怨氣,雖然一萬蚊對好多家庭幫助唔係好大,起碼有幫補啲,助大家渡過難關。不過,我有份投資嘅藝術學院因為疫情影響,生意額跌咗六成,好在業主肯減租,希望政府有措施幫我哋。」