著名歌唱老師鮑培莉於本月17日逝世，昨日設靈，汪明荃、梁漢文都是她的學生，亦有前往致祭。靈堂以白色簡潔布置為主，汪明荃於下午5時左右到埗，她大讚老師好叻，聲靚，令人仰慕，又教她唱歌初期最重要打好基礎！她說：「知佢病咗一段時間，同佢冇來往咁多，反而奚秀蘭有見佢，我做50周年演唱會老師都有嚟支持，對我好大鼓勵。」
而梁漢文對老師病逝感到突然和難過，指對方是他第一個唱歌老師，又提名他參加新秀，平時雙方會通短訊，上月原本約她食飯，可惜未能成事。
