引擎撞雀故障 肥媽九霄驚魂爆喊！
藝人肥媽與老公前日由英國飛往馬來西亞時遇上九霄驚魂，飛機起飛不久便要折返，機長指引擎撞到雀仔，只可用一個引擎降落，感覺死裏逃生的肥媽，安全落地後拍片分享心情：「真係好擔心好緊張，好驚心動魄的一程機。」首次遇上這種意外的她，心情未能平復：「當知道飛機有事，心諗好多好多嘢，好驚返唔到嚟。」
昨日她順利抵達馬來西亞後，再次拍片報平安，見她哭成淚人，明顯驚魂未定：「呢次旅程簡直驚喜一浪接一浪，係驚多過喜，頭先可能我同老公唔夠瞓，落機匆忙得滯，漏咗老公嘅呼吸機同藥喺飛機上面，我太大意，太唔小心。年紀大，真係唔嚇得！老公嘅肺同呼吸其實唔係咁好，所以呼吸機同藥有起事上嚟係要嚟救命，依家活多一日都賺咗。感恩同幸運地，機組人員好快幫我搵番啲藥。」
