湯洛雯陪父母隔離閉關做宅女

新劇收視報捷，湯洛雯與黃浩然難掩興奮。

藝人湯洛雯（靚湯）、陳煒、黃浩然、譚俊彥、鄭俊弘、張彥博及張文慈等，昨日出席無綫劇集《法證先鋒IV》宣傳，總監製梅小青宣布該劇首集7天跨平台收視達37.1點，令台前幕後非常興奮，一眾演員更特別穿上梅小青最愛的紫色服飾以示答謝。

為愛犬日日喊

本月初與父母及好友高海寧到日本旅遊的靚湯，透露父母一直留在當地繼續玩，預計日內才返港，問到可有擔心？她說：「佢哋喺好偏遠嘅地方，一直冇買回程機票，依家喺關西。（港府建議由日本返港後自我隔離14日，你係緊密接觸者？）真係唔知，咁我日日喺屋企唔出街，都會問吓父母意願，因為佢哋留咗喺日本廿幾日。」又表示現時最需要父母的愛，因4歲愛犬椎間盤移位致下半身四級癱瘓，近日接受手術，她說：「之前我日日喊，依家冷靜番，所以好想父母快啲返嚟，一齊畀啲正能量隻狗。」

黃浩然（紫衫）	一個心心唔夠Sweet？陳煒與譚俊彥畀夠兩個你！	張文慈（左起）、張彥博、湯洛雯、楊潮凱與黎燕珊，示範心連心。

• 梅小青領軍慶祝首集跨平台收視達37.1點。

黃浩然被扑頭

至於黃浩然透露每晚跟兩個兒子齊齊睇劇，大仔更投入得與他玩角色扮演：「佢會戴住副有色眼鏡周圍照，模仿我嘅角色，又拎起個膠樽扑我後腦，叫我畀反應，點知佢真係扑落嚟囉！」而黎燕珊透露受疫情影響，最少有6個工作被取消，與放無薪假的女兒齊齊煲劇。