李施嬅上男人屋企練歌

藝人李施嬅與海俊傑早前為TVB娛樂新聞台節目《StarTalk》任嘉賓，分享合作拍攝劇集《法證先鋒IV》及合唱歌《二次緣》的感受，海俊傑指李施嬅錄音前勁緊張：「佢對今次錄音好着緊，仲一早已經約我上去我屋企練歌，佢成份歌詞好似份劇本咁，仲畫到花晒！」施嬅則透露錄音前特別搵幾位老師學唱歌：「仲設計咗咩位輕啲、邊度重啲，但監製伍樂城叫我全部丟晒佢，佢幫我搵到另外一把聲音出嚟。」海俊傑又談到近20年未曾於TVB拍劇：「可能之前我喺內地拍劇多，有時無啦啦講對白講咗普通話。」