森美父住隔離營：慳番好多錢

森美的父母入住隔離營數日，對於有人落船入隔離營後出現確診，昨日森美錄影節目時表示，聽聞當日有港人未收到檢驗結果，竟可落船：「都冇嘢擔心，反而阿爸話喺船最擔心，每次敲門都有『死神』嚟。」並指父母昨日再抽血及鼻液樣本做檢驗。他透露與妹妹有送乾糧到隔離營，並聽聞送飯時間有點遲，亦有單位送漏：「可能佢哋送飯係嚴謹啲，人多先會有誤差。」