栽培囡囡教打牌：佢係自摸高手
魏駿傑下半生的希望及心思，全寄託在現年9歲的女兒Jessica身上。他說：「個女對我好好，佢見我為咗湊佢而冇開工，佢話：『我將啲利是錢畀晒你！』聽到真係好開心。佢都有出現唔太正常嘅反應，例如駁嘴，可能因為我畀唔到佢完整嘅家庭。個女會諗，係咪我對佢媽媽唔好，令到父母分開，所以我好難受，我想做多啲嘢去彌補。」
現時他成為女兒「三陪」：陪玩、陪食、陪做功課，魏駿傑更實行開明教女法，就是教女兒打麻雀，他說：「早排見到我買麻雀枱，因為我想個女透過打麻雀，除咗訓練腦筋，仲可以培養品性，所謂牌品好自然人品好，打麻雀係高深嘅學問，透過攻守可以學習人生道理。佢好叻o架，仲係自摸專家，試過連續自摸十鋪！佢啲麻雀腳係我幫手搵o架！將來佢有男朋友，我一定要同佢男朋友打番場，試吓人品。」向來成績優異的Jessica，愛運動也愛音樂，擅長拉低音大提琴。