昔日無綫花旦「女神BB」出名是慳妹一名，早年備受力捧時賺到盆滿缽滿，但依然慳得就慳，終於儲落幾層樓揸手，成功慳出個未來！近年她移居海外，做媽咪後慳錢本色「變本加厲」，不但密密返港賺外快，就連工作上任何一個慳錢機會都唔放過。
有次她與囡囡到主題樂園拍廣告，獲團隊五星級照顧，見囡囡想食雪糕，她即時「慳媽」上身，向樂園的工作人員𢱑雪糕，攞完一杯又一杯，更連紙巾、餐具都唔放過，攞多幾份備用，不過她態度親切兼笑笑口，大家都樂意配合。其實她絞盡腦汁慳錢，都只係為家人着想，果然是廿四孝好老婆好媽媽！
