資深藝人韓馬利去年8月在社交網自爆曾患腦膜炎，徘徊生死邊緣。早前她接受電台訪問，坦言大病救了其「邊緣婚姻」！與配音員老公杜燕歌結婚30載的她，感激對方付出無微不至的愛：「我之前經常以工作同朋友行先，甚至佢病咗，都趕住返工，從來冇了解佢嘅感受。大病後，我哋坦誠傾咗好多嘢，老公話自己似一本放喺我床頭30年冇睇過嘅書，好想我仔細睇。佢曾經好難過，我真係好內疚，感恩有呢場病，令我醒覺改變去彌補，依家萬事以老公為先。」
她又重提兩位前度陳波比和馮吉隆，坦言曾為馮吉隆自殺：「第一任丈夫其實好好，只係我太年輕結婚！嬲佢同屋企人竟然相信外間傳我同何守信嘅緋聞。而第二任丈夫，被我發現有第三者，諗過結束生命。」並特別多謝鄭明明帶她返教會重拾信仰，間接讓她認識現任真愛。